港股：
今個月恆指跌左4.X%，好彩自己個組合無郁過，keep返0% (=.=...)。
之前粵海投資(0270)已經超過組合既25%，所以要減持少少。而建設銀行(0939)又跌落新低，股息率超高，佢既穩定派息同背景令我對佢有信心，所以買入少許，佔成個組合大約2%，再跌可能會再入少少。之前覺得港股既組合太偏向公用股同地產股，希望入下銀行股令依個港股組合更多元化。
而領展今個月都公佈左業績，股息比上年加左10%，買入物流資產同埋再增持海外物業。之前老前輩講過：財務報表之中，很多項目都可以造假或被人為操控（e.g. 資產重估、特殊收益、關連交易等等），唯獨是現金流，尤其是實際派息不可以或很難長期造假。我會寧願相信一間派息穩定而有增長既公司，都唔會相信對將來好有抱負，好有遠景既公司。可能會失去好多機會，但係勝率高好多。依排領展又跌多少少，我會選擇以股代息。
美股：
美股：
今個月S&P500跌左3%，市場就話極度恐慌，笑死中坑😂。大家之前係咪升到麻木晒?
我個組合都跟跌3%，為應付將來美股既調整/熊市，我會採取以下策略：。
1.
如果三大持股 (QQQ/VOO/BRK.B)跌超過10%，就會開始動用手持現金開始買入。
跌到無晒現金就減持債劵去買入股票，正所謂養兵千日用在一時，債劵係美股組合既作用就係為左依個時候用。
2.
下年都會預期加息，我都開始增持VCSH (Vanguard短期公司債券ETF)而減持VCIT，希望令個組合減低加息既風險，同時keep到債劵佔成個美股20%。
3.
如果QQQ由高位跌超過20%，我會考慮開始買入TQQQ。
財務自由進度：1.64M / 10M (本來想今年破1.7M，咁既情況應該難D)
我既財自目標都係10M, 共勉之
回覆刪除YEAH!!大家都要加油！
刪除想問下買入 VCSH 及 VCIT 嘅目的？買債券唔係為了收息嗎？我唔知有冇計錯這兩隻只有一兩厘息，好似好少？因為想學習買債券，所以想了解下買債個思維。
回覆刪除我都係睇書學返黎。
刪除買入直債同買入債劵ETF有所不同，債劵ETF都只係做好對組合既資產配置。債劵ETF雖然比股票增長慢好多，但係可以做到平衡風險既作用。以VCIT為例，近年S&P500同VCIT既相關性只有0.34，如果股市大跌，債劵ETF都唔會有太大跌幅，到時我可以減持債劵ETF去增持股票。
當然，如果識買直債既話，我都覺得買直債更好，但要注意成個債劵組合既多元化，唔好買得太多個別直債同所屬行業。我都努力學習緊，買左少少baby bond，岩岩都開左IB想買多D直債。
原來係咁，不過唔知點講，但覺得有些盲點在裏面。始終近年美股、美債的走勢建基於印銀紙，之後如果幾年收水，對市場變化係點，還有待觀察。
刪除我只是睇咗啲書講，加息會對債價有影響，尤其是低息的債，所以只擔心這些 ETF 會在加息週期持續下跌，而收息又少，完全補唔返跌幅，到時想走又走唔到。
你講既問題我都諗左好耐，我暫時個策略係唔好估將來個市點走，因為我對經濟無太深入研究。可能將來股市砰砰聲咁升，揸住D債可能好唔掂；但如果股市暴跌呢?相信債劵ETF會跌得低過股市好多。
回覆刪除而我只會估來年會加息。短債會對加息無咁敏感，所以之後既資產配置會將VCIT同VCSH既比例變成50:50。
可能我既策略會錯，但暫時依個策略係我覺得最舒服既方法。
再另加拋一個我依排諗緊既問題：我應該將剩低既現金all in落市場入面，實行time in the market, 而唔係time the market呢?
我仲係股市初哥，都成日睇師兄你既blog學野，希望你出返多D個股分析。
係喎，還有長債、短債會對加息有不同影響，都係再觀摩下先。不過我最近學人買就買了亞洲高息債卷基金，即係內房果啲，超高風險😅。不過我知好多 blog 友都唔會買，又手續費、又認購費跟銀行買個啲，好處係槓桿有數得計，用 IB 好難計，好易瀨嘢。至於美國公司債卷希望下年有平位比我入。
刪除個股分析應該唔多會再寫，因為近年發覺冇用，雖然用了十幾年，而以前是有啲用。但時代轉變，我相信而家大部份機構投資者也只是炒炒賣賣，佢哋唔睇基本分析，所有所為分析都是作出來，那麼自己分析又有什麼用，希望你明白。
//我應該將剩低既現金all in落市場入面，實行time in the market, 而唔係time the market呢?
刪除我篇新文章希望比到你思考這個問題。我以前上過一個投資班，有一個阿 Sir 分享佢第一次買股經驗，他剛剛出來做事有幾萬蚊，咁啱 87 股災，佢就買咗啲地產、銀行股，心想當儲下錢。買咗之後都冇理到，幾年之後要結婚才發覺當時股市暢旺，原本資金升了幾倍，就 cash 咗出嚟結婚。結婚後就冇再買股票，到下一次股災，發覺有些私已錢又買了一堆地產、銀行，之後故事不斷重覆發生。佢嘅結論係要在股市賺錢，timing 比什麼也重要，只要忍耐做啱了第一次，以後一世人也會做得啱。我聽了這個故仔好多年，但今年才第一次做啱，但我相信也不會太遲，因為現在的股市週期越來越短，希望這個故事幫到你。
可惜，不過都尊重師兄決定🤟
刪除