09-04-2021 買入粵海投資(0270)

於09-04-2021買入粵海投資(0270)，繼續成為港股組合第二大持股，帳面上仍然係有5%虧損。雖然佢今年用左好多錢，但佢既資產上仍然有一定既升幅，而且派息增加，所以增持。

到今日(16/4/2021)，粵海投資公佈左正面盈利預告：董事會謹此知會本公司股東及潛在投資者，預期截至 2021 年 3 月 31 日止三 個月的歸屬於本公司所有者的未經審核綜合溢利較截至 2020 年 3 月 31 日止 三個月增加不少於 35%。

表面上係一件好事，但需唔需要特登攞出黎講呢?係因為上次出左全年業績股價大跌後，穩定返各位股東既信心??

Link: http://iis.aastocks.com/20210416/9721855-0.PDF

清倉越秀交通基建（1052）

前一日公佈業績，全年純利跌85%，派息7港仙。

報告話因肺炎期間要免費通行，所以跌咁多。但係大佬呀，你淨係得3個月免費，無左1/4啫，點解可以跌左85%呀？

好，我再望下年報，睇到物業公允值都係跌少少啫，都唔會咁差呀？

再望下年報，上年年尾又話買左個公路，我當你用左d錢買資產作增值，但係咁樣而犧牲左股東既股息（比上年比較少左66%股息），sorry中坑都係接受唔到。🖕🏻

所以今日清晒所有越秀交通基建，淨係計股價都有賺少少。

算啦，揸返少少現金，等跌再買其他股。

唉，揀公路股上有陰影🥲

中電2019全年業績

1. 香港可准許回報率由9.9%降至8%，收入剛剛好反映出來
2. 印度及澳洲盈利大跌約50%，東南亞及台灣則大升106.8%
3. 總盈利大跌65.6%，主要是因為澳洲撥備減值。如果只計算營運盈利的話，每股盈利大約為$4.4，共花了86%去派息。

香港

准許回報率由9.9%降至8%，但未來15年都有穩定收入。而且資產大了，回報也可以升高。現在中電都在香港繼續加建不同的發電站，所以日後也可以繼續增加收入。

而且，我相信未來電動車一定完全佔領所有燃油車(香港依方面真係好慢...)，加上香港天氣越來越熱，香港用電量日後絕對會增加。

中國內地

無乜特別。

印度

中電集團所佔營運盈利較去年減少，這是由於Paguthan電廠的購電協議於2018年12月屆滿後， 電廠於2019年期間並無錄得可觀的發電額度，導致營運虧損。此外，集團於2018年12月向加拿大退休金 管理公司Caisse de dépôt et placement du Québec （CDPQ）出售中電印度40%股權，亦攤薄盈利收益。

自從貿易戰後，好多廠都由中國移去唔同地方，作為超多勞動人口的印度，我相信好多廠商會移去印度設廠。

東南亞及台灣

中電宣布《氣候願景2050》修訂版，承諾不再投資新燃煤發電資產。因此正退出越南兩個舊有燃煤電廠項目的發展。

希望中電再發展越南的輸電資產。跟印度一樣，越南都係廠商想設廠的地方。

澳洲

澳洲係我最擔心的地方。雖然澳洲零售業務只作一次過減值，但看來跟同業的競爭都頗激烈。

新鴻基地產 (0016)中期業績

http://iis.aastocks.com/20200227/9167316-0.PDF

1. 每股基礎溢利=$4.63 (2018年同期$4.74)
2. 中期派息$1.25，跟上年一樣
3. 物業銷售溢利 = 68.5億 (2018年同期$66.94億)
4. 淨租金收入 = 96.69億 +2% (上年新城市係戰火集中點，比人杯葛都可以無跌，已經好勁...)
5. 購入高西九龍總站的大型優質商業地皮，郭氏家族公司購入寫字樓部分百分之二十五的股權。希望因為係令公司負債比率低D先咁做...
6. 上海ITC項目以及位於杭州江河匯新購入的合作發展項目，將進一步擴大集團在內地的物業投資組合。 上 海 ITC 一 期 的 商 場 已 於 二 ○ 一 九 年 底 試 業 ， 而 位於南京 市 南 京 國 金 中 心 的第二幢 寫 字 樓 將 於 二 ○ 二 ○ 年 落 成 。

跟冠君一樣，收入大量減少主要是物業公平值大大減少。

而比較意外的是，在香港發展中物業的公平價值，比起上半年高出不少。是因為西九龍項目嗎?

總債項/股東權益亦是21.7%，雖然過了我對公司平時的標準要求20%，不過尚可吧?

總結：

半年的香港運動，新城市中心及其他新鴻基的商場都是大戰的集中地，但是業績出來都不是太差。2020年面對的武漢肺炎，我想管理層都會有方法面對。所以除了估值過高外，我都會繼續持有。