2022回顧及展望

可以先睇下中坑歷年回顧，睇下我依幾年有無咩進步

2021回顧及展望

2020回顧及展望

港股

港股overall growth -6.45%，上年係2%，即係話今年跌左8.45%

比起恆指跌左15%既成績更好，其實組合好多股票都跌得低過恆指，但主要係一隻新鴻基地產(0016)救全家(+13%)同埋組合入面接近5%既股息先至可以頂一頂。

計埋今年，恆指都3年連跌了，最多由高位跌超過50%，究竟恆指幾時先跌完呢?無人知。幸好，我買既港股所有企業都係高現金流既公司股票，而且業務穩定，每年都派到息比我。今年都有兩萬幾股息袋袋平安，而我將今年股息再用黎再投資，得出黎既股息率會比之前更高。

年頭買左VTECH(0303)，但感覺唔係太壟斷，所以好快賣走左。

今年都無再買新股票，因為懶去研究其他行業，其實眼中有心水的，例如江蘇寧滬高速公路(0177)同中移動(0941)，兩個都係護城河深既企業，希望搵到時間研究啦~

同上年一樣，唔會再注入新資金入港股，只用現存既倉位同股息買入收息股，選股條件係長期穩定派息同派息長期會有增長。

港股今年組合增長：-8.45% 

港股每年期望增長：5-10% (不達標)

美股

今年係美股方面做左唔少改動去完善個組合：

1. 由債劵ETF轉左買直債同債劵CEF

睇完風兄的<<懶系投資法2>>對債劵ETF既睇法後，就放棄買入債劵ETF，轉左買直債同債劵CEF。

參考文章：嘗試從債劵部分改善美股組合

但因為唔清楚加息同債市既關係，年初買入唔少ETD(好多ETD都係長債)，而唔去接觸短債，搞到債果方面都幾損手爛腳。不過幸好，我買既所有ETD都係投資評級，理論上只要間公司唔執笠，我都可以唔理佢，一路收息，直到到期日。只係機會成本問題高左D啫，當買個可以彌補既教訓。

CEF就買左PTY同PFL，每個月派息就再投資，由佢自我膨脹，派息增多之餘又可以等減息再升。

2. 買入槓桿ETF

參考文章：無斬倉風險既簡單槓桿方法：買入槓桿ETF (LETF)

要等10年先可以財務自由既時間實在太長，如果可以受少少風險既話，咁就不如「用危險嘅方法玩安全嘅嘢」，即係買入槓桿ETF(LETF)。LETF可以輸到變0，但係無斬倉風險的話，我認為可以配置一部分資金入LETF做槓桿。

現時買入TQQQ同SOXL，暫時各佔組合1.X%左右，視乎情況加倉。

3. 少改動：清倉VNQI

我個倉有少量VNQI，本來打算買黎build up現金流，但依幾年派得又少又唔穩定，所以清倉。

學習

今年工作同湊小朋友方面都好累，都好少去學習一D新既野。尤其youtube，基本上都放棄左，其實有一段片錄左好耐但都係懶得去剪。

年中有研究過乜野係期權現金流，但好似都幾高風險同埋個本要夠大，所以就擱置左。

亦都有睇<<掌握市場周期>>，主要係用加減息同其他人情緒去判斷個市，都仲未掌握得好好。

唯一真係努力研究左出黎並且學以至用既野係CEF同埋LETF，可以投入組合入面。

去年計劃回顧

1. 學習槓桿買債 <<< 用CEF去做另類槓桿
2. 發掘優惠資源 <<< 有去搵下coupon之類，但唔係幾努力去搵。近期搵到由電話月費轉做儲值卡plan，實驗成功後share比大家知。

3. Catch up返拍youtube片 <<< 直接收左皮😓

來年計劃

除左繼續研究投資同額外收入外，想學返D自己有興趣既野多D：

1. Python，起碼學到基本野先

2. 電子學上既知識，工作上用到，本身都有興趣

3. 木工，之前幫屋企整書枱從而發掘到依個興趣

最終目標

每年寫一次去激勵自己。

退休目標年齡：40歲 (仲有4年時間)

退休預計年齡：43歲 (仲有7年時間) (註：用financial freedom calculator計算)

財務自由進度：16.1%(上年17.2%)

無斬倉風險既簡單槓桿方法：買入槓桿ETF (LETF)

平時睇D投資書好多都會提及槓桿，槓桿係一個兩刃劍，可以加倍你既獲利同時可以加倍你既虧損。中坑本身都好怕槓桿依樣野，從小比老豆灌輸唔好借錢，唔好借錢，唔好借錢(重要既野講3次)，成日都好怕輸左要賠錢，而且細個成日睇電視都話炒孖展輸左要跳樓，所以中坑都對槓桿依樣野避之則吉，直到今年先開始敢買債劵CEF，開始試下用比較安全既方法擴大債券方面既回報。

參考文章：嘗試從債劵部分改善美股組合

但除左買債劵CEF之外，仲有咩方法可以無斬倉風險下槓桿我既回報呢?首先我既原則係可以輸晒，但唔可以賠錢，而槓桿ETF (LETF)就係一個好選擇。槓桿ETF係咩就唔多講，最耳熟能詳既一個LETF就係TQQQ，大家有興趣就上網search下有關LETF既資料。

咁我去研究下點樣投資LETF先最適合，研究過程中係連登見到一篇好好既文章：

https://lihkg.com/thread/3232194/page/1 (基於尊重版權，只貼討論區內的內容)

入面我最中意依段：

用現金買指數，屬於「用安全嘅方法玩安全嘅嘢」。
用現金買妖股，屬於「用安全嘅方法玩危險嘅嘢」。

用槓桿買指數，屬於「用危險嘅方法玩安全嘅嘢」。

投資指數比起投資個股絕對係一個比較安全既投資方法。因為指數都會隨住入面每一隻個股既市值而調整比重，分散風險。

(相反，如果想加速回報，就要承擔集中投資既風險)

Source: <我用死薪水讓錢替我賺錢> 讀後感

(我知投資指數唔一定係最安全既方法，恆指就係一個好例子，但買美股既指數都已經算係好安全。如果要再分散風險既話就應該買多幾個國家既指數，什至全球指數。依個方面我都仲思考緊，諗到再講。)

如果投資指數係一個好安全既方法，咁買LETF就係用高風險既方式去買低風險既投資，得出既結果會係咩?

用最受歡迎既QQQ同TQQQ做例子：

根據上圖，最直觀既睇法係長期計既話TQQQ真係可以升到飛天，但係遇到大跌市都可以打回原型。

LETF比起其他槓桿工具既優點：

1. 無斬倉風險 (依個係最吸引中坑既地方)

2. 大部分最多只可以 3X 槓桿

3. 一個最簡單既槓桿方法，複利效應係每日計，所以可以升到好癲

當然LETF都有佢既弱點：

1. 當股市大跌時，LETF會跌得仲甘，股市返家鄉時LETF都未返到家鄉。舉個例子，當年2000年科網股股災大跌再加2008年金融海潚，如果你當時持有TQQQ既話最大就會有99.9%既損失，到依家都遠遠未返到家鄉。

2. 當遇上波動市時，LETF係會慢慢decay下去。

基本上依兩個情況成日發生，尤其遇到第一點真係可以輸清光，所以想用危險嘅方法玩安全嘅嘢就要部分持有LETF同時定期做資產配置。同埋LETF真係波動得好勁，可以一日10幾%上落，要頂得住過山車般既波幅先好持有。

中坑都想加速自己增加資產，所以開始買入TQQQ同SPXL依兩隻流動性較高既LETF，但係未決定好佔成個組合既比重有幾多，決定好再講。

後記：

經清流君youtube既介紹下，我睇左下面依本<<諾貝爾經濟學獎得主的獲利公式>> (其實我覺得英文直譯生命週期投資法好聽D)。

但其實越睇越R頭唔明佢講咩，只係有幾個說法比較深刻：

1. 槓桿投資即係你借未來既錢去提早投資，盡早用複式效應去滾存更多資產，然後退休前慢慢去槓桿。

2. 最多只做兩倍槓桿。

3. 佢唔支持用LETF做槓桿，原因上面講左。

希望第日修為好D再睇多次依本書明佢up乜，或者到時已經財務自由唔洗考慮槓桿(希望啦😂)

曾經有一隻爆升股係我面前但係我冇去珍惜

信義光能　比亞迪及碧桂園服務染藍　成份股增至58隻

之前58蚊買過比亞迪(1211)，之後急跌到41蚊，最後中坑都以46蚊忍痛割愛。

點知比亞迪越戰越勇，最高升到278蚊，近期仲可以入埋恆指。

即刻諗到一首詩：

曾經有一隻爆升股係我面前，但係我冇去珍惜

到清左倉既時候先至後悔莫及，股市間最痛苦莫過於此。

如果個天可以俾機會我番轉頭既話，我會同佢講: Strong Hold!!!

如果係都要係呢份愛加上一個期限，我希望係一萬年。

其實依件事都比左我一個教訓：唔熟唔買

當我唔熟一隻個股果陣，佢升就無事，佢一跌就完全懷疑人生。

佢值唔值得依個價呢?佢係咪好唔掂呢?

好多唔確定既事令我對佢好無信心，有少少風雨令我諗緊仲hold唔hold住佢。

最後我都選擇分手，最後後悔莫及。

所以，港股黎講，我會揀一係好壟斷，一係好簡單易明既公司。

而美股就直接揀ETF，買成堆股票，輕鬆解決。

(依家粵海投資(0270)都跌得好犀利，仲跌出國指。但我清楚佢，又夠壟斷，所以暫時都係strong hold。)

[資產配置 投資策略] 讀後感

 一如既往，唔會概括晒成本書既內容，只係outline返中坑覺得有用既point: 

1. 投資組合入面，買入幾個零相關，什至負相關既資產。當一個資產急跌，零相關既資產唔會跟住急跌，有助平衡成個組合既風險。經典例子有股票加債券。

2. 每樣資產既相關性唔會永遠都相同。好似近幾年既股票同公司債就增強左相關性。

3. 關聯性0 to 0.3係零相關，-0.3 to 0係負相關。

4. 根據年齡同個人狀況去調整資產比例。例如你踏入中年，但有一份好穩定既收入，單身，無乜負擔時，你可以比同齡但有經濟負擔既人買入更多股票。

5. 黃金同商品唔係資產，唔會為你創造現金流。而且通常依d etf好高手續費，唔建議買入。 （依個好impress，我幫老豆整既All Weather Portfolio可能都會執執）

6. 唔止買入美國股票，買入更多世界性股票會更平衡風險。（不過其他外國資產真係好唔吸引，每年得5-6%增長🤣，但All weather portfolio入面可能會由黃金轉做世界股票）

7. 買入房地產etf會更平衡風險。（我做backtesting時將VNQ放係資產組合入面，比買入s&p500更低回報之外仲有更大波動性，依樣有待商榷。）

8. 唔好估未來大市既升幅而調整資產比例。（清流君都有講過，而且更加詳細。經過考慮之後，我會將現金買入更多股票。依個星期開始都逐步買入更多股票，首要目標係增加股票比例至50%。）

Jack Bogle: Should you buy Index Funds at All-Time Highs

 

依個月都係度諗，究竟繼唔繼續入市，比我聽到一句名言：Time in the market, but not to time the market之外，仲睇到依一後影片，究竟股價創新高時繼唔繼續入市呢?

1. 價格始終都會回歸價值，問題係價格會回落至價格水平，還是價值上升?

2. 最大的風險係你唔將金錢放入股市，而唔係因為少少波動。長期黎睇，今日既大跌日後睇只係好少既跌幅。

3. Compound interest is miracle and time is a friend <<<精簡到唔洗點解釋

4. 唔好比自己情緒影響，你永遠估唔到個市升跌。

5. 分散風險。買ETF可以消除你對揀股既失誤。

6. 堅持到底。

(作者一再強調依D建議係for被動投資者。其他自己選股既投資者就唔知適唔適用。)

一個唔錯既入市策略

 Source:

https://www.madfientist.com/my-portfolio/

個blog主來自美國，係其中一個好出名既fire blogger。

依篇文其中一段值得參考，大家可以自己fune tune返：

I knew that I had $x in cash that I’d be willing to deploy and I had $y in bonds that I could sell (to buy more stocks) so I determined the max I could add to my stock portfolio as stock prices decreased and I split up my contributions.

I set up buying opportunities at -15%, -20%, -25%, -30%, -35%, and -40%. And instead of buying fewer shares as the market dropped, as I did in 2007/2008, I planned on increasing my purchases at each stage.

So I determined a value $x where I could invest $x at -15%, $1.5x at -20%, $2x at -25%, $3x at -30%, $3x at -35%, and $3x at -40%.

If the market ends up going below 40% the February highs, that’s when I start selling even more bonds to buy stocks.

7個防禦型投資人的選股指標

 Source

1. 適當的企業規模

書中提到，較小的公司規模雖然預期未來成長潛能更大，但是不夠穩定，身為防守型投資者的你，不會想要冒太大的風險去賭一家新創企業獲利暴增的機率，因此給定一個規模大小，總資產不得小於 5,000萬美元(以美國公司為例)。

2. 足夠穩健的財務狀況

排除金融股以外( 通常負債會佔資產較大的比例 )，流動資產( 可以短期變現的資產，例如現金、應收帳款…等) 應該至少是流動負債的兩倍，即流動比率 2比1

流動比率 = 流動資產 / 流動負債 = 2

(書中提出這個比例是比較穩健的狀況 ，會計學中，這個流動比率愈大，代表這家公司的流動負債較少，短期變現能力強， 比較不會有突然倒閉的風險 )。

3. 獲利穩定

在過去10 年中，普通股每年都有一定的利潤，每一年的公司盈餘成長率都是緩速上升會是一個不錯的篩選條件。

4. 股息紀錄

至少有20年以上連續發放股息的紀錄，這種連續20年以上的紀錄，在台股就比較難看得到了。

(美股倒是有連續發放超過20年以上的股票，而且愈發愈多，例如 3M)

5. 盈餘成長

過去10年中，每股盈餘 (EPS) 成長至少要達到 三分之一，使用期初和期末 3 年平均數。

EPS = 稅後淨利 / 流通在外股數 

6. 適當的本益比

當期股價不應該高於過去3年平均盈餘的15倍。

7. 適當的股價資產比

當期股價不應該超過最新財報帳面價值的1.5倍 ，但是本益比低於15倍時，股價相對資產的比率可以更高一些。

本益比較低時，代表股價並沒有被市場投資人高估，甚至有可能低於這家公司的淨資產水平，因此有可能是好標的；當本益比低於15倍時 股價如果相對於資產的比例稍微高出一些，代表市場上有部分的人也發現這支股票是有利可圖的。

適當的股價資產比也會是防守型投資人的一種篩選指標。

比亞迪及匯豐給中坑的教訓

比亞迪同匯豐都係中坑好早時買入，不過又蝕住賣出。兩者之後各走極端：

比亞迪58蚊入，30幾蚊放，最後依家升到過百蚊，破新高。

匯豐均價連以股代息61蚊入，40蚊放，最後依家跌到32蚊，破海潚新低。

依兩隻股比中坑的教訓：不熟不買。

雖然我係工程界別，但我對比亞迪既技術完全摸不透。當佢跌到趴係度既時候因為認知不夠，所以放左。如果比我從新黎多次，我可能直接唔買，因為唔熟悉。

匯豐我就更加唔識，望住佢份財報，已經滿頭黑人問號，果時因爲睇落幾高息就買，完全唔清楚佢既賺錢模式。

2019-02 股票成績

回顧股票成績
2018年4月開始投資，不斷把主動收入放進股票
2年差不多到了，成績爛得可以。

暫時覺得有幾點要三思:
1. 沒有看清楚年報，覺得好股票好就買 (1211比亞迪)
2. 沒有好好估值就買
3. 沒有等到安全邊際就買 (388港交所，1038長建)
4. 看不懂就買 (005 匯豐)

希望改善以上缺點
中坑對將來財務自由還有很大的決心！

流動比率

https://zh.wikipedia.org/wiki/%E6%B5%81%E5%8A%A8%E6%AF%94%E7%8E%87?fbclid=IwAR1cXobXWeLbjV0m0P5OHdIACbYLsFrwWtX4wwswaanFxIo60ER1AzDGljU

流動比率（Current ratio）是個用來衡量公司在未來12個月內是否具有足夠資源來償還其債務的一種財務比率。^[1]以公司的流動資產與流動負債做比較衡量，公式如下：

流動比率＝	流動資產
	流動負債

流動比率能顯示一個公司的市場流動性和滿足債權人要求的能力。流動比率因行業而異，一般數字在1.5到3之間為健康的企業。如果一個公司的流動比率是在這個範圍內，那麼它通常表示具有良好的短期金融實力。如果流動負債超過流動資產（流動比率小於1），那麼該公司可能產生短期償債能力的問題。如果流動比率過高，那麼該公司可能無法有效地利用其現有資產或短期融資，這也可能顯現在公司營運資金管理的問題。

今日學到好多野之：
1. 預測市盈率低過平均市盈率就代表平
2. 股市總是行得前過經濟（6-18個月）